17 sentyabr tarixi Azərbaycan və dünya tarixində heç vaxt təkrarlanmayacaq böyük ilklərlə yadda qalıb.

AXC Hökumətinin Bakıya tarixi köçündən tutmuş, mikroskop altında bakteriyaların ilk təsvirinə, ilk müasir konstitusiyadan Linux-un doğuluşuna qədər bəşəriyyətin gedişatını dəyişən ən önəmli hadisələri təqdim edirik.

Azərbaycan tarixi

• 1918 — AXC hökumətinin Bakıya köçməsi:Azərbaycan Xalq Cümhuriyyəti Nazirlər Şurası üç ay fəaliyyət göstərdiyi Gəncədən ilk dəfə olaraq paytaxt Bakıya köçüb.
• 1920 — İlk Dövlət Statistika Qurumu: Azərbaycanda dövlət səviyyəsində ilk mərkəzləşdirilmiş statistika orqanı — Azərbaycan İnqilab Komitəsi nəzdində Statistika İdarəsi yaradılıb.

Dünya tarixi

• 1683 — Bakteriyaların ilk təsviri: Hollandiyalı alim Antoni van Levenhuk mikroskop altında müşahidə etdiyi mikroorqanizmləri (protozoa və bakteriyaları) ilk dəfə yazılı şəkildə London Kral Cəmiyyətinə təqdim edib.
• 1787 — İlk müasir Konstitusiya:Filadelfiyada ABŞ Konstitusiyası imzalanıb və dünya tarixində ilk dəfə modern demokratik konstitusiyalı respublika modeli hüquqi olaraq rəsmiləşdirilib.
• 1908 — Aviasiya tarixində ilk ölümcül qəza: Orvil Raytın idarə etdiyi təyyarənin qəzaya uğraması nəticəsində sərnişin Tomas Selfric təyyarə qəzasında həyatını itirən ilk insan kimi tarixə düşüb.
• 1976 — İlk kosmik gəmi (Space Shuttle): NASA özünün ilk təkrar istifadə oluna bilən kosmik gəmisi “Enterprise”ı geniş ictimaiyyətə təqdim edib.
• 1991 — Linux əməliyyat sisteminin ilki: Linus Torvalds azad proqram təminatı olan Linux nüvəsinin ilk versiyasını (0.01) İnternetdə pulsuz yayımlayıb.