28 iyul Azərbaycan və dünya tarixində dərin iz buraxan müstəsna tarixlərdən biridir.

Bakının ilk dəfə işğal olunmasından Birinci Dünya Müharibəsinin alovlanmasına, Sibir neftinin kəşfindən NASA-nın təməlinin qoyulmasınadək bəşəriyyətin gedişatını dəyişən ən vacib hadisələri və kəşfləri təqdim edirik.

Azərbaycan tarixi

• 1723 — Rusiyanın Bakını ilk dəfə işğal etməsi: Çar I Pyotrun Xəzər dənizinə göndərdiyi hərbi donanma və rus qoşunları Bakı şəhərini işğal etdi. Bu, Rusiya İmperiyasının Azərbaycan torpaqlarını ələ keçirmək üçün etdiyi ilk genişmiqyaslı yürüş kimi tarixə düşdü.
• 1928 — Sibir neftini kəşf edən fərman Salmanovun doğum günü: Qərbi Sibirdə nəhəng neft və qaz yataqlarını kəşf edərək dünya geologiya tarixinə adını yazdıran azərbaycanlı mühəndis-geoloq Fərman Salmanov anadan olub.
• 1935 — Bəstəkar Vasif Adıgözəlovun anadan olması: Azərbaycan musiqi mədəniyyətinin görkəmli nümayəndələrindən biri, “Odlar yurdu” oratoriyasının və “Natəvan” operasinin müəllifi, Xalq artisti Vasif Adıgözəlov Bakıda dünyaya gəlib.

Dünya tarixi

• 1914 — Birinci Dünya Müharibəsinin başlaması: Avstriya-Macarıstanın Serbiyaya rəsmən müharibə elan etməsi ilə bəşəriyyət tarixinin ən dağıdıcı münaqişələrindən biri — Birinci Dünya Müharibəsi başladı.
• 1958 — NASA-nın yaradılması haqqında qanunun qəbulu:ABŞ Konqresi kosmik tədqiqatların təməlini qoyacaq Milli Aeronavtika və Kosmos Haqqında Qanunu (National Aeronautics and Space Act) qəbul etdi və bununla da NASA-nın yaradılması rəsmiləşdirildi.
• 1976 — Tanqşan zəlzələsi (Çin): XX əsrin en dəhşətli təbii fəlakətlərindən biri olan 7.8 bal gücündəki zəlzələ Çinin Tanqşan şəhərini yerlə-yeksan etdi və 240 mindən çox insanın həyatına son qoydu.
• Ümumdünya Hepatitlə Mübarizə Günü: Hepatit B virusunu kəşf edən və buna görə Nobel mükafatı alan alim Barux Blumberqin doğum günü şərəfinə Ümumdünya Səhiyyə Təşkilatı (ÜST) tərəfindən 28 iyul rəsmi maarifləndirmə günü kimi təsis edilib.