Dünyanın ilk kino kadrının çəkildiyi, Səs sürətinin ilk dəfə aşıldığı və Şerlok Holmsun işıq üzü gördüyü bu xüsusi günün ən maraqlı ilklərini bir araya topladıq.

Azərbaycan tarixi

• 1993 — BMT Təhlükəsizlik Şurasının Qarabağla bağlı 874 saylı qətnaməsi: Birinci Qarabağ müharibəsi dövründə BMT TŞ işğal olunmuş Azərbaycan ərazilərindən erməni silahlı qüvvələrinin dərhal və qeyd-şərtsiz çıxarılmasını tələb edən növbəti sənədini qəbul etmişdir.
• 2006 — Dağlıq Qarabağın Azərbaycan İcması rəsmi qeydiyyata alındı: İcma Azərbaycan Respublikası Ədliyyə Nazirliyində rəsmi dövlət qeydiyyatından keçərək fəaliyyətini hüquqi müstəvidə genişləndirdi.
• 2020 — İkinci Qarabağ Müharibəsinin 18-ci günü: Azərbaycan Silahlı Qüvvələri Füzulinin Qaradağlı, Xatunbulaq, Qarakollu və Xocavəndin bir sıra strateji kəndlərini düşmən işğalından azad etdi.

Dünya tarixi

• 1066 — Hestinqs döyüşü (Battle of Hastings): İngiltərə tarixini kökündən dəyişən və Normannların ingilis torpaqlarını fəth etməsinə yol açan məşhur döyüş baş tutmuşdur.
• 1888 — Dünya tarixinin ilk kino kadrı çəkildi (Roundhay Garden Scene): Fransız ixtiraçı Luist Le Prins (Louis Le Prince) cəmi 2 saniyəlik ilk hərəkətli kadrları lente köçürərək kinematoqrafiya tarixinin əsasını qoydu.
• 1892 — Şerlok Holms haqqında ilk kitab nəşr olundu: Artur Konan Doylun məşhur xəfiyyə personajı haqqında 12 hekayədən ibarət “Şerlok Holmsun macəraları” kitabı ilk dəfə çap edildi.
• 1926 — “Vinni-Pux” (Winnie-the-Pooh) ilk dəfə işıq üzü gördü: Alan Milnin məşhur uşaq kitabı Londonda ilk dəfə nəşr olundu.
• 1947 — Səs sürətini aşan ilk insanlı uçuş: Amerikalı təyyarəçi Çak Yeqer (Chuck Yeager) “Bell X-1” raket-təyyarəsi ilə üfüqi uçuşda səs səddini (Mach 1) keçən ilk insan oldu.
• 1962 — Karib böhranı başladı: ABŞ kəşfiyyat təyyarəsi (U-2) SSRİ-nin Kubada yerləşdirdiyi nüvə raketlərinin fotosunu çəkdi və bəşəriyyəti nüvə müharibəsi həddinə gətirən böhran start götürdü.
• 1968 — 100 metrlik qaçışda dəfə 10 saniyə səddi keçildi: Amerikalı atlet Ceyms Hayns (Jim Hines) Mexikodakı Olimpiya Oyunlarında 100 metri 9.95 saniyəyə qaçaraq rekord qırdı.

Maraqlı fakt: 1912-ci ilin bu günü ABŞ eks-prezidenti Teodor Ruzveltə suiqəsd edildi. Güllə onun döş cibindəki 50 səhifəlik nitq mətni və eynək qutusuna dəydiyi üçün sürətini itirdi. Ruzvelt vurulmasına baxmayaraq, xəstəxanaya getməkdən imtina etdi və 90 dəqiqəlik nitqini sonadək tamamladı.