Bu gün Baku Crystal Hall-da   Azərbaycan KOB Klaster Şirkətləri və İş Adamları Assosiasiyası (AKİAB) və “COMELSON”un ilk dəfə birgə təşkil etdikləri “Comelson Business Expo 2026” sərgisi fəaliyyətə başlayıb.

“Tanıtım, tərəfdaşlıq, inkişaf” şüarı altında keçirilən tədbirin açılış mərasimində təşkilatçı tərəfin nümayəndələri AKIAB-ın rəhbəri Vəfadar Babayev, “COMELSON” şirkətinin rəhbəri Rəhim Qəhrəmanlı və tədbirin sponsorları çıxış etdilər.

Sərgidə 100-dək yerli şirkət iştirak edir. Bu tikinti, qida, təhsil, elektrotexnika, mebel, tibb avadanlığı, geyim istehsalı, ketering və klininq xidmətləri sahələrini təmsil edən şirkətlərdir. 

Oktyabrın 9-dək davam edəcək sərgi ölkənin aparıcı sahibkarlarına, şirkətlərinə və mütəxəssislərinə yeni tərəfdaşlıqlar qurmaq üçün biznes platforma olacaq.Sərginin əsas məqsədi ölkədə sahibkarlığın inkişafına dəstək vermək, yerli brendlərin tanınmasını təmin etmək, B2B (biznesdən biznesə), B2C (biznesdən istehlakçıya) və B2G (biznesdən dövlətə) formatlarında səmərəli tərəfdaşlıq əlaqələrinin qurulmasına şərait yaratmaqdır.

Sərginin əsas məqsədi ölkədə sahibkarlığın inkişafına dəstək vermək, yerli brendlərin tanınmasını təmin etmək, B2B (biznesdən biznesə), B2C (biznesdən istehlakçıya) və B2G (biznesdən dövlətə) formatlarında səmərəli tərəfdaşlıq əlaqələrinin qurulmasına şərait yaratmaqdır.

Üç gün davam edəcək sərgi çərçivəsində iştirakçı şirkətlər öz yeni məhsul və xidmətlərini geniş auditoriyaya təqdim etmək, satış imkanlarını artırmaq, həmçinin potensial tərəfdaşlarla birbaşa müqavilələr imzalamaq fürsəti əldə edirlər.Tədbir çərçivəsində iqtisadiyyatın müxtəlif sahələrini təmsil edən innovativ həllər, məhsul və xidmətlər nümayiş olunur.

Tədbir çərçivəsində iqtisadiyyatın müxtəlif sahələrini təmsil edən innovativ həllər, məhsul və xidmətlər nümayiş olunur.Sərginin rəsmi media tərəfdaşları sırasına “Türk Dünyası” (TurkicWorld) və “Amerika Səsi” (VOA), 1TIME.AZ media platformaları daxildir.

Sərginin rəsmi media tərəfdaşları sırasına “Türk Dünyası” (TurkicWorld) və “Amerika Səsi” (VOA), 1TIME.AZ media platformaları daxildir.

Sərgi hər gün saat 10:00-dan 18:00-dək fəaliyyət göstərəcək və ziyarətçilər, biznes nümayəndələri üçün giriş  sərbəstdir. Təşkilatçılar biznesini böyütmək, yeni tərəfdaşlar tapmaq və bazardakı müasir trendlərlə yaxından tanış olmaq istəyən hər kəsi 9 oktyabr tarixinədək Baku Crystal Hall-a   dəvət edir.

Sərgi haqqında ətraflı məlumat almaq və qeydiyyatdan keçmək üçün rəsmi internet səhifəsini (sergi26.com) ziyarət edə bilərsiniz.

Təşkilatçılar haqqında:

• AKİAB (Azərbaycan KOB Klaster Şirkətləri və İş Adamları Assosiasiyası): Azərbaycanda kiçik və orta biznes subyektlərinin inkişafına, onların klasterləşməsinə və beynəlxalq bazarlara inteqrasiyasına dəstək verən aparıcı assosiasiyalardan biridir.
• COMELSON: Biznes tədbirlərinin, ekspoların təşkili və korporativ həllərin həyata keçirilməsi sahəsində ixtisaslaşmış şirkətdir.