1 oktyabr tarixi həm Azərbaycan, həm də dünya tarixində dönüş nöqtəsi olan mühüm ilklərlə zəngindir.

Azərbaycan Prokurorluğunun əsasının qoyulmasından kosmik tədqiqatların miladı sayılan NASA-nın yaradılmasına, Ford Model T-nin satışından tibbdə ilk kompüter tomoqrafiyasının tətbiqinə qədər bəşəriyyətin gedişatını dəyişən ən diqqətçəkən hadisələri təqdim edirik.

Azərbaycan tarixi

• 1918 — Azərbaycan Prokurorluq orqanlarının əsası qoyuldu:Azərbaycan Xalq Cümhuriyyətinin Nazirlər Şurası Bakı Dairə Məhkəməsinin tərkibində prokurorluq orqanlarının yaradılması haqqında qərar qəbul etdi.Bu gün ölkəmizdə Prokurorluq İşçilərinin Peşə Bayramı kimi qeyd olunur.
• 1997 — “Space” televiziya kanalı fəaliyyətə başladı:Azərbaycanın müstəqillik dövrünün ilk özəl və məşhur televiziya kanallarından biri olan “Space TV” ilk dəfə efirə çıxdı.

Dünya tarixi

• 1908 — Ford Model T satışa çıxarıldı:Henri Ford tərəfindən konveyer üsulu ilə kütləvi istehsal edilən ilk əlçatan avtomobil olan “Model T” rəsmi olaraq satışa təqdim edildi və avtomobil sənayesində inqilab etdi.
• 1949 — Çin Xalq Respublikasının yaradılması elan edildi:Mao Tszedun Pekindəki Tiananmen meydanında müasir Çin dövlətinin qurulduğunu rəsmən elan etdi.
• 1958 — NASA fəaliyyətə başladı:ABŞ-nin Kosmik Tədqiqatlar üzrə Milli Agentliyi (NASA) rəsmən fəaliyyətə başlayaraq kosmos yarışında yeni mərhələ açdı.
• 1969 — “Concorde” ilk dəfə səs səddini aşdı:Dünyanın ilk səsdən sürətli sərnişin təyyarəsi olan “Concorde” sınaq uçuşu zamanı ilk dəfə səs sürətini (Mach 1) geridə qoydu.
• 1971 — İlk kompüter tomoqrafiyası (CT) tətbiq olundu:Böyük Britaniyada xəstəxanalardan birində tibb tarixində ilk dəfə olaraq xəstənin diaqnostikasında kompyuter tomoqrafiyası qurğusundan istifadə edildi.
• 1982 — İlk kompakt disk (CD) pleyer satışa çıxdı: “Sony” şirkəti Yaponiyada dünyada ilk kommersiya CD pleyeri olan “CDP-101” modelini və ona uyğun ilk musiqi albomunu (Billi Coelin “52nd Street”) satışa təqdim etdi.