Kripto dünyasında yeni dövr, biotexnologiyada möcüzəvi addım və Google-un yeni cihazları… Azərbaycan və qlobal texnologiya arenasında bir sıra diqqətçəkən yeniliklər və mühüm hadisələr baş verib.

Bu günlərin ölkəmizdə kripto-aktivlərin tənzimlənməsindən tutmuş, insan ürəyi toxumasının laboratoriyada yetişdirilməsinə qədər həftəyə damğa vuran ən mühüm texno-xəbərləri:

Azərbaycanda texnoloji yeniliklər

• Kripto-aktivlərin Tənzimlənməsi və Fintex Görüşü: Azərbaycan Mərkəzi Bankı (AMB) və Azərbaycan Fintex Assosiasiyası (AzFina) arasında keçirilən görüşdə ölkədə ödəniş ekosisteminin gələcəyi müzakirə olunub. Ən mühüm yenilik — ölkədə kripto-aktivlər və kripto-aktiv xidmət təminatçıları üçün hərtərəfli normativ-hüquqi tənzimləmə çərçivəsinin hazırlanması istiqamətində işlərin sürətləndirilməsidir.
• Rəqəmsal xidmətlər və SİMA integrasiyası: Rəqəmsallaşma sahəsində addım olaraq “Azeronline” müqavilələrin tam şəkildə “SİMA İmza” elektron imzası vasitəsilə rəqəmsal formatda bağlanmasına keçib.
• Rebrendinq: Caspian Innovation Center şirkəti fəaliyyətini rəsmi olaraq “SOCAR Tech” adı altında davam etdirəcəyini bəyan edib.
• Regional Kosmos Texnologiyaları:Türkiyənin Sənaye və Texnologiya Nazirliyi Milli Kosmos Proqramı çərçivəsində yerli raket sistemləri və Ay missiyası üçün hibrid mühərrikli kosmik aparatın hazırlanmasında növbəti mərhələyə keçildiyini açıqlayıb.

Qlobal texnoloji yeniliklər

• Google-dan yeni flahmanlar və ilk “Pixel Tag”: Google yeni avadanlıqlarını təqdim edib. Bura təkmilləşdirilmiş Gemini AI imkanlarına (canlı video-tərcümə, “Magic Capture” fotosessiya rejimi) malik smartfonlar və şirkətin ilk Pixel Tag izləmə cihazı daxildir.
• Biotexnologiyada inqilabi addım: Avstraliyalı alimlər kök hüceyrələrdən istifadə edərək insan ürək klapanı toxumasını laboratoyada uğurla yetişdirdiklərini elan ediblər.
• Yarımkeçiricilər və AI infrastrukturu: Taypeydə keçirilən OCP APAC 2026 sammitində yeni nəsil optik çip inteqrasiyası (CPO) və AI məlumat mərkəzlərinin enerji səmərəliliyi əsas müzakirə mövzusu olub.