Azərbaycan Mərkəzi Bankı (AMB) bank xidmətlərindən istifadə üzrə müştərilərin oktyabr ayında şikayət indeksini açıqlayıb.

Mərkəzi Bankın dərc etdiyi məlumata əsasən, yuxarı şikayət indeksli (hesablama nəticəsində əldə olunan orta göstəricidən yuxarı olan) bankların siyahısına Bank BTB, Yapı Kredi Bank, Unibank daxildir.

Orta şikayət indeksi üzrə siyahıda 5 bank var: Yelo Bank, Bank of Bakı, Expressbank, Azərbaycan Sənaye Bankı, AFB Bank.

Rabitabank, AzərTürkBank, KapitalBank, Accessbank, Azərbaycan Beynəlxalq Bankı, Respublika Bank, Xalq Bank, VTB Bank, Paşa Bank aşağı şikayət indeksi olan bankların siyahısına daxil olub.

Vətəndaşların səyyar qəbulu üzrə ən çox şikayət Tərtər, Xaçmaz, Minqəçevir və Qazax rayonlarında qeydə alınıb.

Oktyabr ayında Mərkəzi Banka bankların göstərdiyi xidmətlərlə bağlı 2050 yazılı şikayət daxil olub, onlardan 1543 şikayət kredit təşkilatlarının, 27 ödəniş sistemlərinin, 214 sığortaçıların, 36 kapital bazarının fəaliyyəti ilə, 230 digər məslələrlə bağlı olub.

Şikayətlərin sayının sentyabr ayı ilə müqayisədə ümumilikdə 22%-dən çox artıb. Ümumilikdə oktyabr ayında sentyabr ayının göstəricilərinə nisbətən bütun istiqamətlər üzrə şikayətlərin artıması mişahidə olunur. Belə ki, kredit təşkilatları üzrə şikayətlərin sayı 23%-dən çox, odəniş sistemləri üzrə iki dəfəyədək, sığortaçılar üzrə 17%-dək, kapital bazarı üzrə 16%-dən çox, digər məsələlər ilə bağlı şikayətlərin sayı isə 16%-dən çox artıb.