Azərbaycan Mərkəzi Bankı (AMB) bank xidmətlərindən istifadə üzrə müştərilərin avqust ayında şikayət indeksini açıqlayıb.

Mərkəzi Bankın dərc etdiyi məlumata əsasən, yuxarı şikayət indeksli (hesablama nəticəsində əldə olunan orta göstəricidən yuxarı olan) bank ların siyahısına Yapı Kredi Bank, Yelo Bank, Unibank daxildir.

Orta şikayət indeksi üzrə siyahıda 5 bank var: Expressbank, Rabitabank, Accessbank, TuranBank, AzərTürkBank.

Xalq Bank, Bank of Baku, KapitalBank, Azərbaycan Beynəlxalq Bankı, Bank Respublika, Paşa Bank, Bank BTB, Ziraat Bank aşağı şikayət indeksi olan bankların siyahısına daxil olub.

Vətəndaşların səyyar qəbulu üzrə ən çox şikayət Tərtər, Xaçmaz, Minqəçevir və Qazax rayonlarında qeydə alınıb.

Avqust ayında Mərkəzi Banka bankların göstərdiyi xidmətlərlə bağlı 1597 şikayət daxil olub, onlardan 1183 şikayət kredit təşkilatlarının, 13 ödəniş sistemlərinin, 178 sığortaçıların, 30 kapital bazarının fəaliyyəti ilə, 193 digər məslələrlə bağlı olub.

Şikayətlərin sayının avqust ayı ilə müqayisədə ümumilikdə 6,7% artmasına baxmayaraq, kredit təşkilatları və digər məsələlər ilə bağlı şikayətlərin sayı avqust ayının göstəricilərinə nisbətən artıb.