FIFA milli komandaların növbəti reytinq cədvəlini açıqlayıb.

Ali futbol qurumunun rəsmi saytında paylaşılan məlumata əsasən, Azərbaycan yığması reytinqdə üç pillə geriləyib.

Fernandu Santuşun baş məşqçisi olduğu kollektiv 1148 xalla 122-ci yerdə qərarlaşıb.

Reytinqə 1885.36 xalla son dünya çempionu Argentina millisi başçılıq edir. Avropa çempionatının son qalibi İspaniya yığması (1867.09) ikinci, Fransa seçməsi (1862.03) üçüncüdür.