“Oxford Global Cities Index 2025“-də dünyanın 1 000 ən böyük şəhərləri arasında Bakı irəliləyərək 346-cı yerdə qərarlaşıb.

Şəhərlər beş kateqoriya üzrə qiymətləndirilib: iqtisadiyyat, insan kapitalı, həyat keyfiyyəti, ekologiya və idarəetmə.

Məlumata görə, Azərbaycanın paytaxtı Bakı ötən illə müqayisədə öz mövqeyini 58 pillə yaxşılaşdırıb. Oxford Global Cities Index 2024-də Bakı 404-cü yerdə qərarlaşıb.

Beləliklə, Bakı reytinqdə Daşkəndi (471-ci yer), İrəvanı (483-cü yer), Düşənbəni (683-cü yer) və digər şəhərləri geridə qoyub.

İlk 10-luğa Nyu York, London, Paris, San-Xose, Sietl, Melburn, Sidney, Boston, Tokio və San-Fransisko daxildir. Bütün üstünlüklərə və texnoloji irəliləyişlərə baxmayaraq, bu şəhərlər gəlir bərabərsizliyi və yüksək mənzil xərcləri kimi problemlərlə üzləşirlər.

İndexin antireytinqinə Nigeriyanın 6 şəhəri: Sokoto, Kaduna, Maiduguri, Zaria, Kano və Benin City, Hindistanın Sultanpur/Uttar Pradeş şəhəri, Rusiyanın Novokuznetsk şəhəri və Haitinin Port-O-Prins şəhəri daxildir.

Global İndex-in şəhərlərin arxetiplərə görə təsnifatında Qlobal Şəhərləri əhatə edən göstəricilər üzrə indeks göstərilir. Bu, şəhərləri yanaşı müqayisə etməyə imkan verən
oxşar xüsusiyyətlərdir. Hər bir arxetip kəmiyyətcə bir sıraya əsaslanan müəyyən edilmiş ölçülərə cavab verir. Məsələn, Qlobal Liderlər onların iqtisadiyyatının ölçüsü ilə müəyyən edilir, onların maliyyə və biznes sektorlarının əhəmiyyəti, adambaşına düşən gəlirləri və bu şəhərlərdə yerləşən universitet və korporativ qərargahların sayı ilə müəyyən edilir.

Qeyd edək ki, Bakı arxetipinə görə, Abidjan, Akra, Astana, Atlanta, Oklend, Ostin, Banqkok, Barselona, ​​Banqaluru, Berlin, Boqota, Brisben, Brüssel, Buenos Ayres, Qahirə, Kasablanka, Çenqdu, Çennay, Kopenhagen, Dehli, Denver, Dubay, Frankfurt am Main, Quançjou, Helsinki,
Ho Chi Minh City, Hyuston, İstanbul, Cakarta, Johannesburg, Karaçi, Kuala Lumpur, Lima, Lissabon, Lyon, Manila, Melburn, Mexico City, Mayami, Minneapolis, Monreal, Moskva, Mumbay, Nayrobi, Osaka-Kyoto, Oslo, Philadelphia, Phoenix, Portland, Praqa, Rio de Janeyro, Ər-Riyad, Roma, San Dieqo, Santyaqo, San Paulo, Şençjen, Sankt-Peterburq, Stokholm, Taypey, Tel-Əviv, Tianjin, Vankuver, Varşava, Sürix kimi regional lider olan şəhərlərin siyahısındadır.

Azərbaycanın paytaxtı Bakı, eyni zamanda, Abu Dabi, Əhvaz, Əl-Ayn, Arekipa, Bağdad, Baoji, Baotou, Bəsrə, Bokaro, Çhonan, Çunzin, Dammam, Dakka, Dhanbad, Doha, Qumi, Hayfon, Hefey, Hueyjou, Kinşasa, Kuçing, Küveyt, Librevil, Lubumbaşi, Mandalay, Monterrey, Maskat, Naqoya, Encamena, Pert, Phohan, Saltilyo, San Luis Potosi, San Qonsalo, Ştutqart, Süveyş, Surat, Suçjou (Jiangsu), Taychun, Taypei, Tianjin, Torreon, Tümen, Ulsan, Vulfsburg, Uhan, Syamın, Yamusukro, Yuylin, Cunşan kimi sənaye mərkəzləri olan şəhərlərin siyahısındadır.