Bakının mərkəzində bir sıra küçələrdə söküntü işlərinin aparılması ilə bağlı qərarlar təsdiq edilib. Bu, paytaxtımızın xarici görünüşünün və ekoloji vəziyyətinin yaxşılaşdırılması nöqteyi nəzərindən sevindirici haldır, lakin bu ərazilərdə çox sayda tarixi və mədəniyyət abidəsi statusu olan binalar mövcuddur və onların müdafiəsi dövlətçiliyimizin qorunmaı nöqteyi nəzərindən böyük əhəmiyyət kəsb edir.

Trend-in Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinə istinadən verdiyi məlumata əsasən, Bakı şəhəri, Yasamal rayonu ərazisində yerləşən bir sıra yaşayış binaları olan memarlıq abidələrinin Mərkəzi Parkın növbəti hissəsinin salınması ilə bağlı söküləcəyi barədə səsləndirilən fikirlərlə əlaqədar, bildiririk ki, Azərbaycan Respublikası Nazirlər Kabinetinin 2001-ci il 2 avqust tarixli 132 nömrəli Qərarına əsasən Bakı şəhəri Süleyman Tağızadə, Mirzə Fətəli Axundov, Lev Tolstoy, Murtuza Muxtarov, Rza Quliyev küçəsi, Nizami, Zərgərpalan, Həzi Aslanov, Əli Quliyev, Bəşir Səfəroğlu, Vidadi, Çingiz Mustafayev küçələri arasında ümumilikdə 72 tarix və mədəniyyət abidəsi yerləşir.

Qurumdan bildirilib ki, sözügedən məsələ ilə bağlı Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinə vətəndaşlar tərəfindən də müraciətlər daxil olub.

“Məsələ aidiyyəti dövlət orqanları ilə birgə yerində araşdırılıb, müzakirələr aparılıb. Dövlət Xidməti tərəfindən tarixi abidələrlə bağlı müvafiq məlumatlar aidiyyəti üzrə təqdim olunub. Həmin abidələr dövlət mühafizəsindədir və hər hansı tarixi abidənin sökülməsi nəzərdə tutulmur”, – deyə Dövlət Xidmətindən bildirilib.

Daha öncə Bakı şəhərinin bəzi ərazilərində köhnə tikililərin, yaşayış və qeyri – yaşayış obyektlərin köçürülməsi, söküntü və abadlıq işlərinin həyata keçirilməsi nəzərdə tutulduğu açıqlanmışdı.

Qeyd edək ki, beynəlxalq təcrübədə restavrasiya və renovasiya tələb edən köhnə binaların üzvi şəkildə birləşdirildiyi binalar yaratmağa imkan verən yeni dizayn ideyaları və mühəndislik imkanları mövcuddur. Bəzən bu, estetika üçün, bəzən isə tarixi önənm kəsb edən, lakin dağılan memarlığı xilas etmək üçün edilir.

Aşağıda təqdim etdiyimiz “Yaşayış binası və dəyirman – birləşdirilmiş binalar” (Kyeti, İtaliya), Kağız dəyirmanı – İçki zavodu (Hampshire, Böyük Britaniya) Royal Ontario Muzeyi Köhnə Bina – Yeni Tikinti (Toronto, Kanada) Dülgərlik emalatxanası – ofis mərkəzi və yaşayış kompleksi (Tallinn, Estoniya) Bazilika – mədəniyyət mərkəzi (Santpedor, İspaniya) Yanğınsöndürmə stansiyası – Port Authority (Antverpen, Belçika) məhz qeyd edilən üslublarda yeniləniblər.