Milli Hidrometeorologiya Xidməti küləkli hava şəraiti ilə bağlı sarı xəbərdarlıq verib.

Fevralın 4-də Bakıda və Abşeron yarımadasında, eyni zamanda bəzi bölgələrdə gözlənilən küləkli hava şəraiti ilə bağlı sarı xəbərdarlıq verib.

Bakıda və Abşeron yarımadasında, Qusar, Xaçmaz, Şabran, Siyəzən, Xızı, Hacıqabul, Şamaxı, Qobustan, Daşkəsən, Gədəbəy, Tovuz, Göygöl, Goranboy, Şəmkirdə cənub-qərb küləyi əsəcək, sarı xəbərdarlığa uyğun olaraq küləyin sürəti 13.9-20.7 m/san təşkil edəcək.

Beynəlxalq hidrometeoroloji xidmətlərin proqnozlarına əsasən qarşıdan gələn bazar günü fevralın 9-dan Bakıda sulu qar yağmaga başlayacaq və fevralın 10-da sulu qar şəklində yağıntılar davam edəcək. Daha sonra sulu qar bir həftə davam edəcək buludlu və yağışlı hava ilə əvəz ediləcək.

Fevralın 18-dən 24-dək Bakıda yenidən sulu qar yagacağı proqnozlaşdırılır.