Həkimlər genişlənmiş limfa düyünlərinin təhlükəsini izah ediblər.

Hematoloqların bildirirlər ki, limfa düyünləri immunitet sisteminin bir hissəsidir, ona görə də onların uzun müddət genişlənməsi xərçəng də daxil olmaqla ciddi xəstəliklərə işarə edə bilər.

Həkim limfa düyünlərinin virus, bakteriya və xərçəng hüceyrələri üçün tələ olduğuna diqqət çəkib. Onlar ən çox alt çənə və boyun nahiyəsində artır: birinci halda bu, adətən viruslar, ikincidə isə, bakteriyalar və limfoma səbəbindən baş verir.

Hematoloqlar qeyd edirlər ki, qoltuqaltı limfa düyünlərinin böyüməsi döş xərçəngi və ya yuxarı ətraflarda, qasıq nahiyəsində – çanaq şişləri və ya cinsi yolla keçən infeksiyaların əlaməti ola bilər.

Əksər limfa düyünləri kəskin respirator virus infeksiyasından sonra bir neçə həftə böyüyə bilər.

Ekspertlərin sözləri ə əsasən, əgər onlar təkdirsə, yumşaqdırsa və dəri ilə birləşmirsə, narahat olmaq üçün heç bir səbəb yoxdur. Düyünlərin ölçüsünü dəyişdirmədən üç həftədən az və ya bir ildən çox davam edən limfadenopatiya da narahatlığa səbəb deyil – bu vəziyyətdə xərçəng ehtimalı azdır. Həmçinin, həkimlər qeyd etdiyi kimi, limfa düyünləri otoimmün xəstəliklər və vərəmlə böyüyə bilər, lakin bu vəziyyətdə onların görünüşü kilo itkisi və qızdırma kimi digər simptomlarla müşayiət olunur.
Həkimlər bildirir ki, ciddi xəstəliklərdən xəbər verən limfa düyünlərini quruluşu, forması və ölçüsü ilə fərqləndirmək olar.

Ən şübhəli olanlar diametri bir yarımdan iki santimetrdən çox olan limfa düyünləridir – bu göstərici düyünün yerindən asılıdır – bəziləri üçün rəqəmlər daha aşağı ola bilər; Həmçinin, “təhlükəli” limfa düyünləri ümumiyyətlə sərtdir, daş kimi və dəri ilə birləşir, yəni palpasiya edildikdə,dəri altından sürüşmür.