Yeni il ərəfəsində İqtisadiyyat Nazirliyi yanında Dövlət Vergi Xidməti tərəfindən vergi ödəyicilərinin bir sıra rutin prosedurları online rejimdə həyata keçirmək imkanı verən yeni videotəlimatlar hazırlanıb.

“Vergi ödəyicisinin fəaliyyət növü (növləri) barədə arayışın verilməsi” ərizəsinin tərtib edilməsi və göndərilməsi barədə videotəlimatda müvafiq qaydalar əyani izah edilir.

“Əlavə dəyər vergisi məqsədləri üçün qeydiyyatın ləğv edilməsi” ərizəsinin tərtib edilməsi və göndərilməsi mövzusunda videotəlimat.

Təlimatda vergi ödəyicisi tərəfindən ƏDV məqsədləri üçün qeydiyyatın onlayn ləğv edilməsi ərizəsinin hazırlanması və təqdim edilməsi qaydası izah edilir

“Fiziki şəxsin fəaliyyətinin dayandırılması” arayışının tərtib edilməsi və göndərilməsi barədə videot’limat. Burada vergi ödəyicisi tərəfindən fiziki şəxsin fəaliyyətinin onlayn dayandırılması üçün arayışın hazırlanması və təqdim edilməsi prosesi əks etdirilir.

“Əlavə dəyər vergisinin məqsədləri üçün qeydiyyat” ərizəsinin tərtib edilməsi və göndərilməsi barədə videotəlimat.

Videotəlimatı izləməklə həmin ərizənin tərtib edilməsi və göndərilməsi ilə bağlı qaydalarla əyani tanış olmaq mümkündür.

 “Fiziki şəxsin vergi uçotuna alınması” ərizəsinin tərtib edilməsi və göndərilməsi barədə videotəlimat.

Videotəlimatı izləməklə həmin ərizənin tərtib edilməsi və göndərilməsi ilə bağlı qaydalarla əyani tanış olmaq mümkündür.