Bakı şəhəri üzrə Təhsil İdarəsi məktəb və müəllim seçiminə start veriləcək tarixi açıqlayıb.

Ümumi təhsil müəssisələrinin tədris digər dildə aparılan bölməsi üzrə uşaqların I sinfə qəbulu üçün məktəb və müəllim seçimi 12 iyun 2024-cü il saat 11:00-da başlayacaq.

Tədris digər dildə aparılan bölmə üzrə məktəbəhazırlıq qruplarında təhsil alan və müsahibədə uğur qazanan uşaqlar isə sistem tərəfindən avtomatik olaraq I sinfə yerləşdiriləcək.

Tədris digər dildə aparılan bölmə üzrə məktəb və müəllim seçimi ilə bağlı suallar cavablandırılacaq

11 iyun saat 16:00-da 2024-2025-ci tədris ili üzrə ümumi təhsil müəssisələrinin tədris digər dildə aparılan bölməsi üzrə uşaqların I sinfə qəbulu üçün məktəb və müəllim seçim ilə bağlı məsələlər müzakirə olunacaq, valideynləri maraqlandıran suallar canlı yayımda cavablandırılacaq.

Birinci sinfə elektron qeydiyyatla bağlı yaranan suallarınızı paylaşımın şərh bölməsində yaza bilərsiniz.

Mövzu ilə əlaqədar suallar Bakı Şəhəri üzrə Təhsil İdarəsinin Təhsilalanlarla iş sektorunun məsləhətçisi Sənarə İsmayılova tərəfindən cavablandırılacaq.

Qeyd edək ki, canlı yayımı Bakı Şəhəri üzrə Təhsil İdarəsinin rəsmi “Facebook” səhifəsi üzərindən izləyə bilərsiniz.