2024-cü ilin may ayında yaşı 100 və 100-dən daha çox olan pensiyaçıların sayı 280 nəfər təşkil edib.

Trend-in Dövlət Sosial Müdafiə Fondunda istinadən verdiyi məlumata əsasən, onların 36 nəfəri kişi, 244 nəfəri isə qadındır.

Qeyd edək ki, 2024-cü ilin yanvarın 1-nə olan məlumata əsasən, ölkədə yaşa görə pensiya alanların sayı 701 min 440 nəfər olub. Son iki ildə yaşa görə pensiya alanların sayı 5 min 65 nəfər artıb.

Dövlət Sosial Müdafiə Fondunun 2024-cü il üçün gəlirləri və xərcləri bərabər olmaqla 6 milyard 919,9 milyon  manat proqnozlaşdırılır ki, bu da cari ilin büdcəsinə nisbətən 651,9 milyon manat və ya 10,4% çoxdur.

Pensiya artımı istiqamətində növbəti addım kimi, 2024-cü il yanvarın 1-dən bütün pensiyalar ötən il üzrə orta aylıq əməkhaqqının illik artım tempinə uyğun olaraq 11,2 faiz indeksləşdirilməklə artırılıb.