Dəm qazından zəhərlənmə zamanı nə etməliyik?

TƏBİB dəm qazından zəhərlənmənin ilkin əlamətləri haqda və görüləcək tədbir barədə məlumat yayıb.

Dəm qazından zəhərlənmənin əlamətlərinə, əsasən, başgicəllənmə, başağrısı, ürəkbulanma, qulaqlarda küy, qusma, yuxululuq, müvazinətin itməsi, sayıqlama, hallüsinasiyalar, qıcolma tutmaları və s. aid edilir.

Dəm qazından zəhərlənən şəxsi təmiz havaya çıxarmaqla yanaşı, ağız boşluğunu selikdən təmizləmək, nəfəs almasını bərpa etmək və lazım gələrsə, süni nəfəs vermək lazımdır.

Unutmayın ki, bütün hallarda təcili tibbi yardımın çağırılması və ya xəstənin xəstəxanaya çatdırılaraq həkim nəzarətinə götürülməsi mütləqdir.