Çexiyanın Praqa şəhərində keçirilən beynəlxalq turnirdə üzgüçülük üzrə milli komandamız 10 medal qazanıb.

TIME rəsmi mənbəyə istinadən bildirir ki, Olimpiya oyunlarına lisenziya xarakterli yarışda idmançılarımız Oqtay Hüseynov 2 qızıl, 2 bürünc, Əbdürrəhman Rüstəmov 1 qızıl, 2 gümüş, Ramil Vəlizadə 1 gümüş, Məryəm Şeyxəlizadəhangah 1 gümüş, Rəşad Alquliyev 1 gümüş qazanmaqla böyük uğura imza atıblar.

İyunun 5-də Azərbaycan milli komandası Vətənə qayıdıb. İdmançılarımızı Heydər Əliyev Beynəlxalq Hava Limanında Gənclər və İdman Nazirliyinin, Azərbaycan Üzgüçülük Federasiyasının əməkdaşları, idman ictimaiyyətinin nümayəndələri, ailə üzvləri qarşılayıblar.