Baş prokuror Kamran Əliyev sentyabrın 27-dən etibarən erməni silahlı bölmələri tərəfindən Azərbaycan yaşayış məntəqələrinə atəşi nəticəsində qətlə yetirilən əhalinin haqda məlumat verib.

Trend-in verdiyi məlumata əsasən, o bildirib ki, həmin gündən bu vaxta qədər 19 mülki şəxs həlak olub. Onlardan 5 nəfər Goranboy, 8 nəfər Tərtər, 4 nəfər Ağdam, 2 nəfər isə Füzuli rayon sakinidir. Həlak olanlardan 14 nəfər kişi, 3 nəfər qadın, 2 nəfər isə azyaşlıdır”.

Baş prokuror qeyd edib ki, hadisə nəticəsində 63 nəfər müxtəlif dərəcəli bədən xəsarətləri alaraq xəstəxanalara yerləşdirilib: “Yaralanan şəxslərdən 26 nəfər Tərtər, 10 nəfər Ağcabədi, 14 nəfər Ağdam, 6 nəfər Füzuli, 2 nəfər Goranboy, 2 nəfər Bərdə, 1 nəfər Daşkəsən, 1 nəfər Xocalı, 1 nəfər isə Cəbrayıl sakinləridir. Xəsarət alanlardan 56 nəfər kişi, 6 nəfəri qadın, 1 nəfər isə uşaqdır.

Düşmən təxribatı nəticəsində 181 ev, 44 mülki obyekt yararsız vəziyyətə düşüb.