Ekspert qrupu 8 Mart ərəfəsində qadınların nə istədiyini öyrənmək üçün sorğu keçirilib. Sorğuda sosial şəbəkə istifadəçiləri iştirak ediblər.

İki il əvvəl olduğu kimi, sorğularda yenə “səyahət paketi” variantı liderlik edir. 2026-cı ildə bu variantı respondentlərin 43%-i seçib (2024-cü ildə bu göstərici 47% idi). Maraqlıdır ki, həmin vaxt aparılan sorğu kişilərin belə bir hədiyyəni çox nadir hallarda təqdim etdiyi qeyd edilmişdir.

İkinci yerdə güllər (41%), üçüncü yerdə isə konsert biletləri (40%) qərarlaşıb. Qadınların 38%-i mallar üçün (kosmetika və s.), 28%-i isə xidmətlər üçün (masaj və s.) hədiyyə kartı almaq istəyir. Həmçinin zərgərlik məmulatları, parfümeriya, məişət texnikası və elektronika da arzulanan hədiyyələr arasındadır.

Üstünlük verilən konkret seçimlər:

• Zərgərlik: Xanımlar daha çox sırğa, üzük və qolbaq istəyirlər.
• Texnika və elektronika: Smartfon, qəhvə maşını, smart-saat və buxarlı ütü.
• Güllər: Lalələr liderlik edir, onlardan sonra qızılgüllər və pionlar gəlir. Bir çoxları gülləri səbətdə almağa üstünlük verir.

Arzuolunmaz hədiyyələrin “antireytinqi”

Tədqiqatlar göstərib ki, ən az bəyənilən hədiyyələrin siyahısına aşağıdakılar daxildir:

• Sorğu iştirakçılarının 62%-i onlayn xidmətlərə abunəlik almaq istəmir.
• 16%-i gülləri, 14%-i məişət texnikasını, 13%-i parfümeriya və kosmetikanı, 11%-i isə hədiyyə sertifikatlarını arzuolunmaz hesab edir.

Bunun əsas səbəbi həmin hədiyyələrin “standart” olması və sadəcə rəsmiyyət xatirinə verilməsi kimi qəbul edilməsidir. Analitiklər vurğulayırlar ki, müasir qadınlar sadəcə “hədiyyə xatirinə” verilən əşyaları deyil, fərdi diqqəti önəmsəyirlər. Yəni hədiyyə insanın fərdi xüsusiyyətlərinə və istəklərinə nə qədər uyğun olarsa, bir o qədər çox sevinc bəxş edər.