Azərbaycan Beynəlxalq Bankı (ABB) yeni əməkhaqqı kartlarını sifariş edən müştərilər (əməkdaşlar) üçün təsdiqləmə prosesini təkmilləşdirib.

Bu gündən etibarən “tam rəqəmsal” (digi) kart sifarişi zamanı video zəng mərhələsinə keçid qaydası dəyişdirilib.

Yeni qayda ilə sifariş necə tamamlanacaq?

Əgər yeni əməkhaqqı kartı sifariş etmisinizsə və statusunuz “mobile processing” olaraq görünürsə, aşağıdakı addımları izləməlisiniz:

• Tətbiqə giriş: İlk növbədə “ABB mobile” tətbiqinə daxil olun.
• Naviqasiya: Əsas ekranda (ümumi panel) ƏDV kartından sağa çəkin (swipe).
• Video görüş: Qarşınıza çıxan “Kart sifarişini davam et” pəncərəsinə daxil olun. Buradan birbaşa bank əməkdaşı ilə video görüşə yönləndiriləcəksiniz.

Qeyd edək ki, bu yenilik prosesin daha sürətli və şəffaf keçməsini təmin etmək məqsədilə tətbiq olunub.