Azərbaycan Yerüstü Nəqliyyat Agentliyi (AYNA) 569 nömrəli müntəzəm marşrut xəttində avtobusları yeniləyir.

AYNA-dan verilən məlumata əsasən, Masazır kəndini Bakı Beynəlxalq Avtovağzal Kompleksi ilə əlaqələndirən 569 nömrəli müntəzəm marşrut üzrə keçirilən müsabiqənin nəticəsində martın 1-dən yeni daşıyıcı xəttin istismarını həyata keçirəcək.

Marşrut xəttində nisbətən yeni ortatutumlu “Karsan” markalı avtobuslar fəaliyyət göstərəcək. Beləliklə, 13 avtobus 7-8 dəqiqə hərəkət intervalı ilə sərnişinlərin xidmətində olacaq. Avtobuslarda ödəniş nağdsız qaydadadır. Gedişhaqqı 0,50 AZN müəyyən edilib.