“Invest-AZ investisiya şirkəti” Qapalı Səhmdar Cəmiyyəti investorlara dələduzluq hadisələri ilə bağlı xəbərdarlıq edib.

Şirkət məlumatda rəsmi internet və sosial şəbəkə ünvanlarını təqdim edərək feyk akkauntların yaydığı məlumatlara aldanmamağa çağırıb.

“Hörmətli İnvestorlar, son zamanlar “Telegram” və “TikTok” platformalarında “InvestAZ” adı ilə saxta profillərin açıldığı müşahidə olunur. Bu profillər, fərdi investisiya və qazanc vədi ilə insanları aldadaraq maddi və şəxsi məlumatlarını ələ keçirməyə çalışırlar”, – məlumatda qeyd edilib.

Bu cür halların qarşısını almaq və investorların təhlükəsizliyini təmin etmək üçün çirkət aşağıdakı tövsiyələri diqqətə yetirməyi xahiş edib və yalnız InvestAZ-ın rəsmi kanallarına etibar etməyə çağırıb.

Rəsmi saytımız –https://www.investaz.az/ , TikTok – https://www.tiktok.com/@investaz, Instagram – https://www.instagram.com/investaz_az/, Youtube – https://www.youtube.com/@InvestazAz, Linkedin – https://www.linkedin.com/company/investaz—azerbaijan?originalSubdomain=az, Telegram – https://t.me/investaz_azz, Facebook – https://www.facebook.com/InvestAZAzerbaijan/.

“Şirkətimizin rəsmi internet saytı və bu sayta aid tətbiqlərdən kənar, fırıldaqçılıq məqsədilə açılmış digər internet saytlarına və sosial şəbəkələrdə səhifələrə daxil olmamağa xahiş edirik. İnternet saytımızda qeyd olunan https://www.investaz.az/medaxil-mexaric-sertleri ünvanındakı bank məlumatlarından başqa hesablara pul köçürməməyinizi xüsusilə rica edirik. Heç bir rəsmi nümayəndəmiz şəxsi mesajla və ya kanallarla investisiya təklifi irəli sürmür və sizdən pul, kart məlumatları tələb etmir. Məxfi məlumatlarınızı heç bir halda tanımadığınız şəxslərlə paylaşmayın. Şübhəli hesablar və mesajlarla qarşılaşdıqda, *1234 nömrəsinə zəng edərək və ya melumat@investaz.az elektron poçt ünvanına yazaraq bizi məlumatlandıra bilərsiniz”, – deyə şirkət investorlara müraciət edib.