Azərbaycan Mərkəzi Bankı (AMB) bank xidmətlərindən istifadə üzrə müştərilərin yanvar ayında şikayət indeksini açıqlayıb.

Mərkəzi Bankın dərc etdiyi məlumata əsasən, yanvarda yuxarı şikayət indeksli (hesablama nəticəsində əldə olunan orta göstəricidən yuxarı olan) iki bank olub – Bank Avrasiya, AFB Bank.

Orta şikayət indeksi üzrə siyahıda 5 bank var: Bank BTB, Turan Bank, Unibank, Accessbank, Bank of Bakı, Yapı Kredi Bank Azərbaycan, Rabitabank.

Expressbank, Azərbaycan Beynəlxalq Bankı, Yelo Bank, Bank VTB Azərbaycan, KapitalBank, Respublika Bank, Azər- Türk Bank, Xalq Bank , Paşa Bank aşağı şikayət indeksi olan bankların siyahısına daxil olub.

Yanvar ayında Mərkəzi Banka bankların göstərdiyi xidmətlərlə bağlı yazılı şikayətlərin sayı ötən ilin müvafiq dövrü ilə müqayisədə 25% ətrafında artaraq 2142 təşkil edib. Yanvar ayında 1510 şikayət kredit təşkilatlarının, 68 ödəniş sistemlərinin, 335 sığortaçıların, 36 kapital bazarının fəaliyyəti ilə, 193 digər məslələrlə bağlı olub. Yanvar odəniş sistemləri və sığortaçılar ilə bağlı şikayətlərin sayı ötən ilin dekabr ayına nisbətən artıb. Belə ki, ödənis sistemlərindən şikayətlər cüzi artıb, sığortaçılar ilə bağlı isə şikayətlərin sayı 6%-dan çox, digər məsələlrlə bağlı isə 38 % artıb.