Azərbaycan Mərkəzi Bankı (AMB) bank xidmətlərindən istifadə üzrə müştərilərin dekabr ayında şikayət indeksini açıqlayıb.

Mərkəzi Bankın dərc etdiyi məlumata əsasən, dekabrda yuxarı şikayət indeksli (hesablama nəticəsində əldə olunan orta göstəricidən yuxarı olan) bir bank olub – Bank BTB.

Orta şikayət indeksi üzrə siyahıda 5 bank var: Yelo Bank, Bank of Bakı, Unibank, AFB Bank, Premium Bank.

Accessbank, Rabitabank, KapitalBank, Turan Bank, Expressbank, Xalq Bank, Respublika Bank, Azər- Türk Bank, Azərbaycan Beynəlxalq Bankı, Bank VTB, Paşa Bank aşağı şikayət indeksi olan bankların siyahısına daxil olub.

Vətəndaşların səyyar qəbulu üzrə ən çox şikayət Beyləqan, Tərtər, Xaçmaz, Qazax, Mingəçevir, Cəlilabad, Balakən rayonlarında qeydə alınıb.

Dekabr ayında Mərkəzi Banka bankların göstərdiyi xidmətlərlə bağlı yazılı şikayətlərin sayı 30% ətrafında artaraq 2096 təşkil edib, onlardan 1510 şikayət kredit təşkilatlarının, 63 ödəniş sistemlərinin, 316 sığortaçıların, 39 kapital bazarının fəaliyyəti ilə, 166 digər məslələrlə bağlı olub. Dekabrda kredit təşkilatları, odəniş sistemləri və sığortaçılar ilə bağlı şikayətlərin sayı noyabr ayına nisbətən artıb nəzərə çarpacaq dərəcədə artıb. Belə ki, ödənis sistemlərindən şikayətlər üç dəfə artıb, kredit təskilatları ilə bağlı 45% ətrafında, sığortaçılar ilə bağlı isə şikayətlərin sayı 30-35% ətrafında artıb.