Azərbaycanın UEFA Çempionlar Liqasındakı təmsilçisi “Qarabağ” bu gün liqa mərhələsində yeddinci oyununa çıxacaq.

Qarabağ futbol klubundan verilən məlumata əsasən, Ağdam təmsilçisi Almaniyanın “Ayntraxt” kollektivini qəbul edəcək.

Tofiq Bəhramov adına Respublika Stadionunda keçiriləcək görüş saat 21:45-də başlanacaq. Qarşılaşmanı İsveçrədən olan hakimlər briqadası idarə edəcək.

Komandamızın UEFA Çempionlar Liqasının Liqa mərhələsinin VII turunda “Ayntraxt”a qarşı keçirəcəyi matçın təyinatları açıqlanıb. Yanvarın 21-də Tofiq Bəhramov adına Respublika stadionunda baş tutacaq görüşə İsveçrədən olan ədalət təmsilçiləri təyinat alıblar.

Oyunun hakimlər briqadası İsveçrədəndir. Baş hakim Sandro Şarerdir, baş hakimin köməkçiləri: Stefan De Almeyda, Conas Erni, dördüncü hakim Yohannes von Mandaçdır. VAR hakimi Fedayi San, AVAR hakimi Lukas Fandrixdir.

Qeyd edək ki, “Qarabağ” hazırda 25-ci pillədə qərarlaşıb. Frankfurt klubu isə 4 xalla 33-cü yerdədir.