Əmək və Əhalinin Sosial Müdafiəsi Nazirliyinin istehsalat təqviminə əsasən, 2026-cı ilin mart ayında Azərbaycanda ardıcıl olaraq 11 gün qeyri iş günü olacaq.

Ümumilikdə mart ayında rəsmi bayramlar və istirahət günləri ilə əlaqədar 17 qeyri-iş günü nəzərdə tutulub.

Belə ki, martın 8-i Beynəlxalq Qadınlar Günü bazar gününə təsadüf etdiyindən 9 mart tarixi qeyri-iş günü hesab olunacaq.

Bundan əlavə, Novruz bayramı ilə Ramazan bayramı üst-üstə düşdüyunə görə martda uzunmüddətli tətil gözlənilir.

Əmək Məcəlləsinin tələblərinə əsasən, bayram günlərinin şənbə və bazar günlərinə təsadüf etməsi və üst-üstə düşməsi ilə əlaqədar əlavə istirahət günləri müəyyən edilib.

Beləliklə, 20, 21, 22, 23 və 24 mart Novruz bayramı günləri kimi qeyri-iş günü hesab olunur. 21 və 22 mart tarixləri müvafiq olaraq şənbə və bazar gününə təsadüf etdiyindən 25 və 26 mart tarixləri də qeyri-iş günü hesab olunacaq.

Ramazan bayramının 20 və 21 mart tarixlərində Novruz günləri ilə üst-üstə düşməsi nəticəsində 27 və 30 mart tarixləri də qeyri-iş günü sayılacaq.

Həftənin şənbə və bazar gününə müvafiq olaraq təsadüf edəcək 28 və 29 mart tarixləridə qeyri iş günü olacaq.

Nəticədə 25, 26, 27 və 30 mart tarixləri də qeyri-iş günü olacaq.

Beləliklə, 20 martdan 30 martadək (hər iki gün daxil olmaqla) ölkədə ardıcıl 11 gün qeyri-iş günü olacaq.

Ümumilikdə isə şənbə və bazar günləri də (1, 7, 14, 15 mart) nəzərə alınmaqla 2026-cı ilin martında 17 qeyri-iş günü qeydə alınacaq.