Azərbaycan Mərkəzi Bankı (AMB) bank xidmətlərindən istifadə üzrə müştərilərin noyabr ayında şikayət indeksini açıqlayıb.

Mərkəzi Bankın dərc etdiyi məlumata əsasən, yuxarı şikayət indeksli (hesablama nəticəsində əldə olunan orta göstəricidən yuxarı olan) bankların siyahısına Bank BTB, Yelo Bank daxildir.

Orta şikayət indeksi üzrə siyahıda 6 bank var: Unibank, AFB Bank, Expressbank, Yapı Kredi Bank, AzərTürkBank, Rabitabank

Bank of Bakı, Premium Bank, Azərbaycan Beynəlxalq Bankı, Xalq Bank, KapitalBank, Accessbank, Respublika Bank, Paşa Bank aşağı şikayət indeksi olan bankların siyahısına daxil olub.

Vətəndaşların səyyar qəbulu üzrə ən çox şikayət Beyləqan, Tərtər, Xaçmaz, Qazax, Mingəçevir, Cəlilabad, Balakən rayonlarında qeydə alınıb.

Noyabr ayında bankların göstərdiyi xidmətlər üzrə şikayətlərin sayı oktyabr ayına nisbətən orta hesabla 25% azalıb.

Noyabr ayında Mərkəzi Banka bankların göstərdiyi xidmətlərlə bağlı yazılı şikayətlərin sayı azalaraq 1629 təşkil edib, onlardan 1197 şikayət kredit təşkilatlarının, 20 ödəniş sistemlərinin, 222 sığortaçıların, 31 kapital bazarının fəaliyyəti ilə, 159 digər məslələrlə bağlı olub. Sığortaçılarla bağlı şikayətlərin sayı noyabr ayında nisbətən artıb, digər istiqamətlər üzrə isə şikayətlərin sayı 20-30% azalıb.