Azərbaycanın mədəniyyət tarixində əlamətdar hadisə hesab edilən “Nəsimi” operası yeni səhnə versiyasında ictimaiyyətə təqdim olunacaq.

Trend Life-in verdiyi məlumata əsasən, operanın quruluşunda ölkədə ilk dəfə olaraq süni intellekt texnologiyalarından istifadə olunub.

Tamamilə yeni formatda yaradılan tamaşa klassik opera və müasir texnologiyaların sintezinin bariz nümunəsidir. Tamaşa gələn il mart ayında Heydər Əliyev Sarayında keçiriləcək.

Tanınmış opera müğənnisi və Əməkdar Artist Ramil Qasımovun sözlərinə görə, akademik Rafael Hüseynov və Xalq Artisti Siyavuş Kəriminin yaratdığı “Nəsimi” operası onun yaradıcılığında xüsusi yer tutur və böyük mənəvi məsuliyyət daşıyır.

“Nəsimi” operası mənim yaradıcılığımda dönüş nöqtəsidir.” Ramil Qasımov layihədə iştirak edən bütün yaradıcı və texniki qrupların üzvlərinə minnətdarlığını bildirərək, həmçinin Azərbaycan Mədəniyyət Nazirliyinin dəstəyini qeyd edərək “Opera həyatdır” dedi.