Rusiya imperatoru II Nikolayın kolleksiyasına aid Faberjenin “Qış yumurtası” Londonda 19,5 milyon funt sterlinqə (25,7 milyon dollar) satılaraq bu növ zərgərlik məmulatları üçün yeni rekord müəyyən edib.

“Christie’s” hərracından sonra hərrac mütəxəssisi Yu Ge Van məlumat verib ki, komissiya da daxil olmaqla, alıcı əşya üçün ümumilikdə 22,9 milyon funt sterlinq (30,2 milyon dollar) ödəyəcək.

Qeyd olunub ki, “Qış yumurtası” II Nikolayın anası, imperatriça Mariya Feodorovnaya 1913-cü il Pasxa bayramı münasibətilə hədiyyə edilib. Yumurtanın gövdəsi qaya büllurundan hazırlanıb və içi brilyantlarla bəzədilib.