Vaqif Mustafayevin ali rejissorluq kursları elan olunub

Azərbaycan Dövlət Mədəniyyət və İncəsənət Universitetində (ADMİU) Xalq аrtisti, Azərbaycan Respublikası Dövlət Mükafatı laureatı, Avropa Kino Akademiyasının üzvü, Azərbaycan Kinematoqrafçılar İttifaqının (AKİ) İdarə Heyətinin üzvü, professor Vaqif Mustafayevin yaradıcılıq laboratoriyası fəaliyyət göstərir.

AKİ-dən verilən məlumata əsasən, laboratoriyanın nəzdində müasir dünyagörüşünə, milli və dünya kinematoqrafiya estetikasını dərindən anlayan yeni nəsil rejissorların yetişdirilməsi məqsədi ilə Ali Rejissorluq Kursları açılır. Kurslarda respublikamızın və xarici ölkələrdən dəvət edilmiş tanınmış kino xadimləri dərs deyəcək. Ali rejissorluq kurslarında təhsilin müddəti 1,5 ildir.

Dərslər “Azərbaycanfilm” kinostudiyasında, studiyanın professional texniki imkanlarından istifadə edilməklə keçiriləcək. Məzunlara Ali Rejissorluq kurslarını bitirmələri haqqında müvafiq sertifikat veriləcək və onlar yaradıcılıq layihələrini Azərbaycan Mədəniyyət Nazirliyi yanında Kinematoqrafiya Agentliyinə təqdim etmək imkanı əldə edəcəklər.

Kurslarda dərslər 2026-cı ilin aprel ayının 1-dən başlanacaq. Sənədlər 5 yanvar 2026-ci il tarixindən 1 mart 2026-ci il tarixinədək qəbul edilir.

Ali rejissorluq kurslarında illik təhsil haqqı Azərbaycan vətəndaşları üçün 2000 AZN, xarici ölkə vətəndaşları üçün 3000 ABŞ dolları təşkil edəcək.

Ali rejissorluq kurslarına müxtəlif ixtisaslar üzrə ali məktəbi bitirmiş Azərbaycan və xarici ölkə vətəndaşları qəbul edilir.

Tədris Azərbaycan və rus dillərində aparılacaq. Ali rejissorluq kurslarına qəbul 3 mərhələdən ibarətdir:

Qeydiyyat:

Ali rejissorluq kurslarına daxil olmaq istəyən Azərbaycan vətəndaşları qeydiyyatdan keçmək üçün aşağıdakı sənədləri təqdim etməlidir:

ərizə
şəxsiyyəti təsdiq edən vəsiqənin surəti;
3×4 ölçüdə 6 ədəd fotoşəkil
ali təhsil haqqında diplom
Tərcümeyi-hal / CV
yaradıcılıq işlərindən ibarət portfolio (video, fotoşəkillər, ssenari və s).

Xarici vətəndaşları üçün:

ərizə
pasportun surəti (pasportun etibarlılıq müddəti 1 ildən az olmamalıdır);
3×4 ölçüdə 6 ədəd fotoşəkil;
ali təhsil haqqında sənədin əsli və Azərbaycan dilinə apostil və notariat qaydasında tərcümə edilmiş, notarial qaydada təsdiqlənmiş surəti.
sağlamlıq haqqında arayış, o cümlədən QİÇS, Hepatit B və C viruslarının daşıyıcısı olmaması barədə müvafiq tibbi sənəd;
tədris dili üzrə sertifikat (əgər varsa);
Azərbaycanda doğulmuş şəxslər üçün Azərbaycan Respublikasının Dövlət Miqrasiya Xidməti tərəfindən verilmiş ikili vətəndaşlığın olmaması haqqında arayış.
tərcümeyi-hal / CV
yaradıcılıq işlərindən ibarət portfolio (video, fotoşəkillər, ssenari, hekayə və s).

Azərbaycanda yaşayan vətəndaşlar tələb olunan sənədləri ADMİU-nun əsas korpusunda yerləşən Ömürboyu təhsil, karyera və məzunlarla iş bölməsinə təqdim etməlidirlər (ünvan: İnşaatçılar prospekti 39).

Azərbaycanda yaşamayan xarici ölkə vətəndaşları göstərilən sənədləri PDF formatında info@admiu.edu.az e-mail ünvanına göndərməlidirlər.

Göndərilən sənədlər qəbul komissiyası tərəfindən müsbət rəy alındıqdan sonra

Azərbaycanda yaşamayan xarici ölkə vətəndaşları da müsahibəyə dəvət ediləcək.