Silahlı quldurlar qiymətli metalların emalı laboratoriyasına basqın ediblər.

BFMTV xəbər verir ki, Fransanın Lion şəhərində bir qrup silahlı şəxs qiymətli metalların emalı üzrə ixtisaslaşmış Purkery laboratoriyasını qarət edib.

Xarici medianin yaydığı məlumatlara əsasən, cinayətkarlar yerli vaxtla saat 13:30 radələrində binanın pəncərəsini dağıdaraq içəri giriblər. Hücumda avtomatik silahlarla silahlanmış dörd nəfər iştirak edib. Onlar qiymətli metallar olan bir neçə çantanı oğurlayıblar və yanıb-sönən işıqla təchiz olunmuş nəqliyyat vasitəsi ilə qaçıblar.

Hadisədə, ehtimal ki, partlayış nəticəsində beş nəfər yüngül xəsarət alıb. Silah səsləri eşidilməyib. Polis tez bir zamanda beş şübhəlini saxlayıb və oğurlanmış bütün əmlak geri qaytarılıb.

BFMTV-nin məlumatına görə, laboratoriya əvvəllər də qarət olunub: 15 may 2024-cü ildə naməlum şəxslər içəri girməyə cəhd ediblər, lakin soyğunçuluğun qarşısı alınıb.