Xəstənin vəziyyətinə uyğun ən yaxın və müvafiq avadanlığa malik xəstəxana sistem tərəfindən təyin ediləcək.

TƏBİB-in icraçı direktorunun müşaviri Elşad Məmmədli Azərbaycan Beynəlxalq Tibb İnnovasiyaları Sərgisi “Medinex 2025”də onuda deyib ki, xəstəxana xəstənin nə vaxt catdirilacağını və ilkin diaqnozu əvvəlcədən biləcək.

“Briqada ehtiyac olduqda müxtəlif ixtisas üzrə həkimlərlə (reanimatoloq, pediatr və s.) video və ya audio əlaqə quracaq. Çağrı mərkəzində 24/7 rejimdə çalışan kritik və digər ixtisaslı həkimlər artıq formalaşdırılıb”- deyə o əlavə edib.

Elşad Məmmədli bildirib ki, çağrı mərkəzində şəxsiyyəti təyin olunan xəstənin şəxsi və tibbi məlumatları, keçmiş xəstəlik və çağırış tarixçəsi briqada interfeysində avtomatik göstəriləcək. Həkimlər xəstə haqqında o yolda olarkən məlumat alacaq.

Xəstəxanalarda olan növbə problemlərinin aradan qaldırılması üçün müntəzəm işlər aparılır.

Tibbi Ərazi Bölmələrini İdarəetmə Birliyinin İcraçı direktoru Vüqar Qurbanov 27-ci Azərbaycan Beynəlxalq Tibb İnnovasiyaları Sərgisi – “Medinex 2025″in açılış mərasimi çərçivəsində jurnalistlərə açıqlamasında deyib ki, bu barədə keçirilən ciddi islahatlar hazırda olan növbə problemlərinin həllinə yönəlib:
“Müraciətlərin sayının artması ilə əlaqədar növbələr yaranır. Növbələrin aradan qaldırılması məqsədilə işlər görülür və tibb müəssisələrinə növbə terminalları quraşdırılıb”.

Qurum rəsmisi onuda qeyd edib ki, əksər rayonlarda həkim çatışmazlığı müşahidə olunur.

O bildirib ki, bu, təkcə Azərbaycanda deyil, demək olar ki, bütün dünyada mövcud olan problemdir.

“Həkimlərin yetişdirilməsi uzunmüddətli bir prosesdir və bu səbəbdən ölkədə, xüsusən də regionlarda bu çətinlik hiss olunur. Bu problemi aradan qaldırmaq məqsədilə “Mental Klinika” layihəsi həyata keçirilir. Layihə çərçivəsində ilin sonuna qədər elə bir sahə qalmayacaq ki, orada hər hansı ixtisas üzrə həkim çatışmazlığı mövcud olsun”, – deyə o əlavə edib