Paris prokuroru Lor Beko Luvr muzeyində baş vermiş oğurluq hadisəsi ilə bağlı saxlanılan iki şəxsin təqsirlərini qismən etiraf etdiyini açıqlayıb.

Xarici mətbuatın dərc etdiyi məlumata əsasən, bunu Paris prokuroru Lor Beko mətbuat konfransında bildirib.

Beko bildirib ki, oktyabrın 25-də həbs edilmiş hər iki şəxs oğurluqda iştiraklarını qismən etiraf edib. Lakin istintaq hələ də oğurlanmış zinət əşyalarının yerini müəyyən edə bilməyib.

Saxlanılanlardan biri 34 yaşlı Əlcəzair vətəndaşıdır və 2010-cu ildən Fransada yaşayır. Digəri isə 39 yaşlı şəxsdir, Paris yaxınlığındakı Overvil kommunasında doğulub və son zamanadək orada yaşayıb.

Qeyd edək ki, Luvrda qarət hadisəsi oktyabrın 19-da baş verib.