Azərbaycan Respublikasının Mərkəzi Bankı (AMB) “Dövlət satınalmaları haqqında” Azərbaycan Respublikasının Qanununa uyğun olaraq Mərkəzi Bankın konfrans otağı üçün səs və canlı yayım sistemlərinin quraşdırılması xidmətinin satın alınmasına dair açıq tender keçirir.

AMB-dən verilən məlumata əsasən, təkliflərin açılma proseduru 27 oktyabr 2025-ci il tarixində saat 17:00-da dövlət satınalmalarının vahid internet portalında keçiriləcək.

Maraqlı təchizatçılar satınalmada iştirak etmək üçün qanunvericiliyə uyğun olaraq müəyyən edilmiş 141,36 (yüz qırx bir manat 36 qəpik) manat məbləğində iştirak haqqını Portal vasitəsilə ödəməklə açıq tenderin şərtlər toplusunu əldə edə bilərlər.

İştirak haqqı satınalmanın ləğv edildiyi və həmin satınalma predmetləri üzrə təkrar satınalma keçirilmədiyi təqdirdə təchizatçıların müraciətinə əsasən geri qaytarılır.

Açıq tenderdə iştirak etmək üçün təchizatçılar təkliflərini tələb olunan sənədləri əlavə edərək 27 oktyabr 2025-ci il saat 17:00-a qədər Portal vasitəsilə təqdim etməlidirlər.

Satınalmaya başlanma vaxtı: satınalma müqaviləsi imzalandığı gündən.

Xidmətin icra müddəti: 60 (altmış) iş günü müddətində.

Qiymətləndirmə meyarı: qiymət amili.

Təchizatçılar tərəfindən satınalma ilə bağlı bütün sorğular və onlara dair izahatlar yalnız Portal vasitəsilə verilir.

Satınalma prosedurunun hər bir iştirakçısı onun təklifinin açılmasını və qiymətləndirilməsini Portal vasitəsilə müşahidə edə bilər.