ADSEA-nın qarşısında duran layihələrdən biri su idarəçiliyində elektonlaşmanın həyata keçirilməsidir. Bu nəzərdə tutulan prioritet məsələdir.

ADSEA-nın 9 ay ərzində görülmüş işlərlə bağlı mətbuat konfransında Azərbaycan Dövlət Su Ehtiyatları Agentliyi sədrinin müavini İlham Bayramov deyib ki, su şəbəkəsinə qoşulması ilə bağlı ADSEA-da xüsusi işçi qrup fəaliyyət göstərir:

“Qoşulmalarla bağlı qaydalar Nazirlər Kabineti ilə razılaşdırılır. Məsələn, bu razılaşdırılmalarla bağlı ilin əvvəlində yeni tariflər müəyyənləşdirilib”.

Əvvəl vətəndaşın su şəbəkəsinə qoşulması 13 mərhələdən – qurumdan keçirdisə hazırda 3 mərhələdə birləşdirilir və maksiumum 30 gün müddətində icra olunur.

İ.Bayramov qeyd edib ki, ADSEA su xətlərinə qoşulmalarla bağlı xüsusi 19 qurumla razılaşmalar əsasında işləyir:

“Qoşulmalar elektron qaydada şəffaf şəkildə həyata keçirilir. ADSEA-nın xidmətlərinin elektronlaşması və müştəri məmnunluğu üçün sistemli işlər həyata keçirilir”.

Sədr müavini bildirib ki, su xətlərinə qoşulmalarla bağlı 8245 müraciət qəbul olunub.