Baş Prokurorluq əməkdaşları 65 yaşınadək işləyə bilərlər, prokurorluq işçiləri təqaüdə getsələr də, daim onlarla əlaqə saxlanılır. Hər il 50 əməkdaşı prokorluğa cəlb etməkdə maraqlıyıq.

Baş prokuror Kamran Əliyev Azərbaycan Prokurorluğunun yaradılmasının 107-ci il dönümünə həsr olunan tədbirdə deyib ki, Azərbaycan prokurorluğunda müəyyən nöqsanlar var, lakin səhvlər daim araşdırılır.

Dövlət Təhlükəsizliyi Xidməti (DTX) tərəfindən saxlanılan Adnan Əhmədzadənin 4 aylıq həbsi ilə bağlı sualı şərh edərək Baş prokuror bildirib ki, hazırda ibtidai istintaq hərəkətləri davam etdirilir.

“Bununla bağlı istintaq orqanı araşdırma aparır. İndi bu məsələ nə isə demək düzgün deyil”, – K.Əliyev bildirib.

AZAL təyyarəsinin qəzaya uğraması ilə bağlı başlanılan istintaqın gedişatı ilə bağlı sualı şərh edərək K. Əliyev mətbuata açıqlamasında bildirib ki, istintaq çərçivəsində Azərbaycan, həm Rusiya, həm də Qazaxıstanla əməkdaşlıq edir.

“Ümid edirik ki, bu işin istintaqı məntiqi nəticəsini tapacaq.”

Eyni zamanda, Yekaterinburqda azərbaycanlılara qarşı törədilən cinayətlə bağlı Azərbaycan Prokurorluğunda və Rusiyada araşdırma aparılır.

Baş prokuror qeyd edib ki, zor tətbiq edilməsi, işgəncə verilməsi kimi faktlar ilə bağlı ayrıca istintaq aparılır.

“Bu işin də məntiqli nəticəsi olacağına inanıram”,- deyə K.Əliyev əlavə edib.