Milli Məclisin payız sessiyasının ilk plenar iclasında yerlərdə nümunəvi qəbiristanlıqların bələdiyyələrə verilməsi məsələsi təklif olunub.

Milli Məclisin Regional məsələlər üzrə komitəsinin sədri Siyavuş Novruzov parlamentin 2025-ci il payız sessiyasının ilk plenar iclasında çıxışı zamanı deyib ki, Nazirlər Kabinetinin nümunəvi qəbiristanlıqlarla bağlı qərarı mövcuddur və vaxtı ilə bu məsələni qanun şəklində qəbul etmək təklif edilirdi.

“Hesab edirəm ki, bunu qanun şəklinə salmaq lazımdır, çünki aztəminatlı ailələrin hamısı bələdiyyələrə müraciət edir və bələdiyyələr kimin imkanı yoxdursa, ona qəbirstanlıqda yer almağa köməklik etməlidir. Bələdiyyələrdə yaşayış və qeyri-yaşayış obyektlərindən ildə bir dəfə eyni vergi yığılır. Lakin yaşayış obyektlərindən işıq, qaz, su ilə bağlı vergi bir dəfədirsə, digərlərindən üç qat vergi yığılır. Ona görə bu tətbiq də bələdiyyələrdə olmalıdır ki, onların maliyyə imkanları genişlənsin və gələcəkdə onlar aztəminatlı ailələrə qəbirstanlıqda yer almağa dəstək olsunlar”, – deyə komitə sədri qeyd edib.