Azərbaycan Dövlət Akademik Opera və Balet Teatrı “Koroğlu” operasını yenidən səhnələşdirib.

Azərbaycan peşəkar musiqi sənətinin və milli operasının banisi Üzeyir Hacıbəylinin şah əsəri olan “Koroğlu” operası 28 sentyabr 2025-ci ildə keçirilən möhtəşəm quruluşda tamaşaçılara təqdim edilib.

Operanın yenidən bərpası çərçivəsində personajların səhnə obrazlarını tam əks etdirən xüsusi kostyumlar hazırlanıb. Hər bir kostyum zərif parçalar, milli naxışlar və ustaların əl işləri sayəsində tamaşanın vizual gözəlliyini və tarixi orijinallığını qoruyub.

“Koroğlu” operasının yenidən səhnəyə qayıtması, qəhrəmanlıq, dözümlülük və milli qürur kimi dəyərləri yeni nəsillərə ötürmək üçün önəmli bir addımdır.

Azərbaycan Dövlət Akademik Opera və Balet Teatrı, qeyd olunan “Koroğlu” operasının bərpasını dahi bəstəkar Üzeyir Hacıbəylinin 140 illik yubileyinə şamil edib.