Gürcüstan və Azərbaycan “yaşıl” hidrogenin tədarükü və tranziti üzrə ideya və mexanizmlər hazırlayırlar.

Bakıda keçirilən “Azərbaycan və Mərkəzi Asiyanın Yaşıl Energetika Həftəsi” çərçivəsində çıxış edən Gürcüstan İqtisadiyyat və Davamlı İnkişaf Nazirliyinin Enerji səmərəliliyi və bərpa olunan enerji mənbələri departamentinin rəhbər müavini Omar Sereteli onuda bildirib ki, Gürcüstanın qonşu ölkələrlə əməkdaşlığı “yaşıl energetika dəhlizi” layihələri çərçivəsində yaşıl hidrogenin Avropaya tədarükü, tranziti və ixracına dair ideyaların işlənib hazırlanmasına yönəlib.

Onun sözlərinə görə, bəzi layihələr obyektiv səbəblərdən müvəqqəti olaraq təxirə salınsa da, bu istiqamətdə iş davam etdirilir.

“Azərbaycanla birgə bizdə “Yaşıl enerji dəhlizi” adlı təşəbbüs var. Onun çərçivəsində biz “yaşıl” hidrogenin həm boru kəmərləri, həm də dəniz yolu ilə Rumıniyaya və oradan Avropaya tədarükü və tranziti üzrə ideya və mexanizmlər hazırlayırıq. Artıq bir sıra mümkün marşrutlar müəyyən etmişik və onların bir hissəsi kifayət qədər real görünür”, – deyə Sereteli vurğulayıb.