Bu ilin yanvar-avqust aylarında Azərbaycandakı 16 sığorta şirkətinin xətti ilə 1,048 milyard manat sığorta haqqı toplanılıb.

Azərbaycan Mərkəzi Bankından (AMB) verilən məlumata əsasən, ötən ilin eyni dövrünə nisbətən bu göstərici 120 milyon manat və ya 12,9% çoxdur.

Hesabat dövründə sığorta şirkətlərinin həyata keçirdikləri ödənişlərin məbləği isə 603,414 milyon manat təşkil edib. Bu isə illik müqayisədə 105,1 milyon manat və ya 21,1% çoxdur.