UEFA Çempionlar Liqasının Liqa mərhələsi çərçivəsində keçiriləcək “Qarabağ” – “Kopenhagen” (Danimarka) futbol oyununun biletləri 25 sentyabr, saat 15:00-dan etibarən satışa çıxarılıb.

Klubun Mətbuat xidmətindən verilən məlumata görə, Tofiq Bəhramov adına Respublika stadionunda keçiriləcək oyunun biletlərinin qiyməti aşağıdakı kimidir:

Standart: 5, 10, 30, 40, 50, 75 AZN
VIP sektorlar: 150, 200, 250 AZN
VVIP sektorlar: 500 AZN

“Qarabağ”ın Çempionlar Liqasının Liqa mərhələsindəki “Kopenhagen”lə ilk ev oyununa biletlər bu gün satışa çıxarılacaq.

“Qarabağ” – “Kopenhagen” oyununun biletlərinə azarkeşlərimizin göstərdiyi böyük marağa görə satışın ilk saatlarında həm veb, həm də mobil tətbiq üzərindən yaranan problem qısa müddət ərzində aradan qaldırılıb.

“Bildiririk ki, bilet satışı yalnız iTicket.az platforması üzərindən həyata keçirilir və bütün azarkeşlərimiz eyni qaydada sistemdən yararlanırlar. Növbə sistemi tətbiq edilərək ədalətli şəkildə satış prosesi təmin olunub. Azarkeşlərimizin yüksək marağını yüksək qiymətləndirir və hər birinə dəstəyinə görə təşəkkür edirik”.

Qeyd edək ki, oktyabr ayının 1- i saat 20:45-də start götürəcək “Qarabağ” – “Kopenhagen” matçının biletləri yalnız iTicket.az-ın mobil tətbiqi üzərindən əldə edilib.