Azərbaycan Mərkəzi Bankı (AMB) bank xidmətlərindən istifadə üzrə müştərilərin avqust ayında şikayət indeksini açıqlayıb.

Mərkəzi Bankın dərc etdiyi məlumata əsasən, yuxarı şikayət indeksli (hesablama nəticəsində əldə olunan orta göstəricidən yuxarı olan) bank kimi Expressbank müəyyən edilib.

Orta şikayət indeksi üzrə siyahıda 10 bank var: Yelo Bank, Unibank, AzərTürkBank, Yapı Kredi Bank, Azərbaycan Sənaye Bank, Accessbank, Rabitabank, Bank Respublika, TuranBank, Bank of Baku.

Bank BTB, KapitalBank, Paşa Bank, Azərbaycan Beynəlxalq Bankı, Xalq Bank aşağı şikayət indeksi olan bankların siyahısına daxil olub.

Vətəndaşların səyyar qəbulu üzrə ən çox şikayət Tərtər, Xaçmaz, Minqəçevir və Qazax rayonlarında qeydə alınıb.

Avqust ayında Mərkəzi Banka bankların göstərdiyi xidmətlərlə bağlı 1506 şikayət daxil olub, onlardan 1076 şikayət kredit təşkilatlarının, 18-i ödəniş sistemlərinin, 195-i sığortaçıların, 44 kapital bazarının fəaliyyəti ilə, 173-ü digər məslələrlə bağlı olub.

Şikayətlərin sayının iyul ayı ilə müqayisədə ümumilikdə 16% azalmasına baxmayaraq, ödəniş sistemləri və kapital bazarı ilə bağlı şikayətlərin sayı iyul ayının göstəricilərinə nisbətən artıb.