Bank sistemi ilə bağlı 340 mindən artıq yerinə yetirilməyən məhkəmə qərarı mövcuddur.

Milli Məclisin İnsan hüquqları komitəsinin sədri Zahid Oruc komitənin bugünkü iclasında çıxışı zamanı deyib ki, bank sistemi əmlak, girov və maaş təminatı olmayan kreditlər ayırır və nəticədə bu cür yerinə yetirilməyən məhkəmə qərarı durumu yaranır.

“Bu prosesə təsir edən ən güclü amil budur. Nə qədər ki, bu prosesin qarşısını kəsməmişik, onda hamımız telefondan asılı qalacağıq, kimlərdənsə xahiş edəcəyik ki, filan qərarlar yerinə yetirilsin. Burada məhkəmə qərarı haqqında yeni yaradılacaq icra qurumunun hər hansı məsuliyyəti yoxdur. Onlar selektiv yanaşmırlar ki, bunu yerinə yetirməsinlər. Bank özü bilməli idi ki, bu vəsaiti verəndə o geri qayıtmayacaq. Çünki vətəndaşın durumunu bilirdi”, – deyə Z.Oruc qeyd edib.