“İbtidai sinif müəllimliyi” ixtisası üzrə xaricdə əldə edilmiş kvalifikasiyaların son peşə imtahanının nəticələrinə görə müvəffəqiyyət göstəricisi cəmi 10 faiz təşkil edir.

Təhsildə Keyfiyyət Təminatı Agentliyinin (TKTA) İdarə Heyətinin sədri Tural Əhmədov bu gün keçirilən brifinqdə onuda deyib ki, TKTA sifarişi əsasında Dövlət İmtahan Mərkəzi tərəfindən 23 iyun 2025-ci il tarixində təşkil olunan peşə imtahanında “İbtidai sinif müəllimliyi” ixtisası üzrə iştirak edən namizədlərin 90%-i uğursuz nəticə əldə edib.

“Belə ki, sözügedən imtahandahəmin ixtisas üzrə 10 nəfərdən 9 nəfəri uğursuz nəticəgöstərib, yalnız 1 iştirakçı uğurlu nəticə əldə edib.

Qeyd edək ki, uğursuz nəticələrin əsas hissəsi Rusiya Federasiyası, Türkiyə Respublikası və Gürcüstanın ali təhsilmüəssisələrinin (ATM) məzunlarının payına düşür”.

Onun sözlərinə görə, bu istiqamətdə TKTA tərəfindən aparılan təhlil göstərir ki, peşə imtahanında uğurlu nəticə əldə etməyən şəxslər əsasənali təhsil müəssisələrinə hər hansı ciddi dəyərləndirməolmadan, yalnız tam orta təhsili bitirmə barədə sənəd təqdimetməklə qəbul olunan şəxslərdir.

“Yekun olaraq, xaricdə ali təhsil almaq istəyən şəxsləri vəonların ailə üzvlərini yuxarıda qeyd olunan nüansları nəzərə almağa çağırırıq”- deyə o əlavə edib.

Brifinqdə qeyd edilib ki, diplom tanınması üçün son 8 ayda 3480 müraciət əsasında müvafiq ekspertiza həyata keçirilib.

Bildirilib ki, 2989 müraciətə müsbət rəy verilib, 491 nəfərə yəni, 14 % müraciətə mənfi rəy verilib. Sədr deyib ki, bu mövzuda maarifləndirmə düzgün aparılsaydı, imtina qərarları da olmazdı.

Saxta diplomlardan söz açaraq sədr qeyd edib ki, əvvəllər şəhadətnamələr kağız daşıyıcıda təqdim olunurdu.

“Son bir neçə ildir ki, bu sənədlər elektron formada verilir. Eyni zamanda, son illərdə aparılan rəqəmsallaşma siyasəti fonunda “myGov”a sənədi yerləşdirməsi vaxtı araşdırılır. Və araşdırma zamanı saxtalaşdırma hallarının şahidi oluruq. Bəzi vətəndaşlarımız müraciət edərək bildirirlər ki, şəhadətnamələri şəxsi kabinetdə əks olunmur. Araşdırmalar nəticəsində isə məlum olur ki, təqdim edilən sənəd saxtadır. Saxta diplomlar illər əvvəl müəyyən şəxslər tərəfindən təqdim olunub.Nəticədə vətəndaş bu prosesin qurbanına çevrilib. Biz bu halları araşdırırıq və çox vaxt belə sənədlərin saxta olduğu tərəfimizdən müəyyən edilir. Bu baxımdan, rəqəmsallaşma saxta diplom və şəhadətnamələrin üzə çıxarılmasına və bu cür halların qarşısının alınmasına dəstək verir”, – agentlik sədri bildirib.