Nəsirəddin Tusi adına Şamaxı Astrofizika Rəsədxanası kosmik hava durumu ilə bağlı proqnoz açıqlayıb.

11-17 avqust tarixlərini əhatə edən kosmik hava durumu proqnozuna əsasən, proqnoz günlərində C sinif alışmanın baş verməsi ehtimalı 99%, M sinif  (R1-R2 – zəif-orta güclü geomaqnit aktivlik) alışmanın baş verməsi ehtimalı 55%, X sinif (R3 – güclü geomaqnit qasırğa) alışmanın baş verməsi ehtimalı isə 10% təşkil edir. Bu sinif geomaqnit qasırğalar peyk sistemlərinin və elektrik şəbəkələrinin fəaliyyətinə təsir göstərə bilər.

Enerjisi 2 MeV-dən çox olan elektron və 10 MeV-dən çox enerji yüklü proton selinin 11-13 avqustda yüksək səviyyədə olacağı gözlənilir.   

Günəş küləyinin müsbət qütblü Tac Dəliyi Axınlarının təsiri ilə sürətinin yenə də yüksək olacağı gözlənilir.

Avroraların (Qütb parıltısı möcüzəsi kimi tanınan və dünyanın şimal və cənub qütblərində müəyyən zamanlarda yaşıl və çəhrayı rənglərdə göz oxşayan parıltı) müşahidə olunması ehtimalı isə yüksək qütb dairələrində 15–50%, orta qütb dairələrində isə 40-45%-dir.

Bəzi astroloji mənbələrin məlumatlarına əsasən qütb parıltısı Bakıda avqustun 12-si səhər saat 04.00-da, avqustun 12-dən 13-nə keçən gecə saat 01.00-da və 04.00-da müşahidə olunacağı ilə bağlı 3% ehtimal var.

Geomaqnit sahəsi – müsbət qütblü Tac Dəliyi Axınlarınının təsiri ilə 11-13 avqustda G1 səviyyəli (insan organizminə təsir edə biləcək) geomaqnit qasırğası, sonra isə 18 avqustadək qeyri-sabit və sakit səviyyələrdə olacağı proqnozlaşdırılıb.