Məktəbəqədər təhsil müəssisələrinə tərbiyəçi-müəllimlərin işə qəbulu üzrə müsabiqənin elektron sənəd qəbulu mərhələsinə start verilib.

Təhsil İnstitutunun nəzdində İnsan Resursları Mərkəzindən verilən məlumata əsasən, 29 iyul saat 11:00-dan 4 avqust saat 11:00-dək namizədlər http://www.miq.edu.az portalı vasitəsilə qeydiyyatdan keçə bilərlər.

Qeyd edilib ki, bu mərhələdə məktəbəqədər təhsil sahəsi üzrə ali və ya orta ixtisas təhsilli (eləcə də xarici dövlətlərin tanınmış kvalifikasiyasına sahib olan) şəxslər iştirak edə bilər.