Bu ilin iyun ayının sonuna Avropa Yenidənqurma və İnkişaf Bankının (AYİB) Azərbaycandakı layihə portfeli 948 milyon avro təşkil edir və 34 layihəni əhatə edir.

AYİB-dan verilən məlumata əsasən, bankın bu layihələrdə iştirakı 1 faizdir, əməliyyat aktivlərinin həcmi isə 693 milyon avro olaraq qiymətləndirilir.

Portfelin ümumi dəyərində özəl sektorun payı 38 faiz təşkil edir.

Azərbaycanda fəaliyyətə başladığı gündən indiyədək AYİB ölkə iqtisadiyyatına ümumilikdə 3,656 milyard avro investisiya yatırıb. Ayrılmış vəsaitlərin ümumi həcmi isə 3,351 milyard avro təşkil edir.

Bu günə qədər AYİB Azərbaycanda 198 layihənin həyata keçirilməsinə dəstək verib.