2025-ci ilin iyul ayının sonundan etibarən Avropa İttifaqının Şengen zonasının xarici sərhədlərində yeni sərhəd nəzarəti qaydaları qüvvəyə minəcək.

Xarici mətbuatın yaydığı məlumata əsasən, Aİ Şurasının qərarına uyğun olaraq, Avropa İttifaqının xarici sərhədini keçdiyi zaman Aİ-dən kənar ölkələrin bütün vətəndaşlarının məlumatlarının qeydiyyata alınması üçün “giriş-çıxış” (Entry/Exit System, EES) rəqəmsal sisteminin mərhələli şəkildə istifadəyə verilməsinə başlanılır.

Sistem avtomatik olaraq ad və soyad, barmaq izləri, üz fotosu (biometrik məlumatlar), giriş-çıxış tarixi və vaxtını, həmçinin sərhədin keçildiyi nöqtəni qeydiyyata alacaq.