Bu ilin iyunun 1-nə Azərbaycan iqtisadiyyatına cəmi kredit qoyuluşunun (bank və qeyri-bank birlikdə) həcmi 30,188 milyard manat təşkil edib.

Mərkəzi Bankın verdiyi məlumata əsasən, banklar və qeyri-banklar tərəfindən ölkə iqtisadiyyatına kredit qoyuluşunun həcmi bir ay əvvələ nisbətən 290 milyon manat və ya 1%, 2024-cü ilin iyunun 1-nə nisbətən isə 3,7 milyard manat və ya 13,9% artıb.

Hesabat dövründə kredit qoyuluşunun 7,4 milyard manatı dövlət banklarının payına düşüb ki, bu da aylıq müqayisədə 84,9 milyon manat və ya 1,2%, illik müqayisədə isə 956,9 milyon manat və ya 14,8% artım deməkdir.